Këto ditë është folur dhe spekuluar shumë, por duket se po shkon drejt fundit transferimi më i shtrenjtë i kryer ndonjëherë nga Juventusi.
Kampionët e Italisë duket se pas akordit me sulmuesin portugez Cristiano Ronaldo, kanë rënë dakord edhe me Realin e Madridit për finalizimin e transferimit.
Lajmi konfirmohet nga gazetari italian Gabriele Marcotti. Ajo që e bën më të besueshëm lajmin ëhstë fakti se Marcotti në fillim ishte mes skeptikëve rreth këtij trasnferimi.
“Kisha dyshime në fillim, por kam mësuar se është arritur një marrëveshje mes të gjitha palëve. Ata kanë rënë dakord edhe me mënyrën se si do të jepet lajmi. Zhvillime të reja pritet të vijnë në 24-48 orët e ardhshme. Duket se Ronaldo është drejt rrugës për në Torino”, ka thënë gazetari Marcotti.
Juventus besohet se do të paguajë 100-120 milionë euro për Realin ndërkohë me Ronaldon do nënshkruajë kontratë 4-vjeçare nga e cila portugezi do përfitojë 120 milionë euro në total./a.m.
