Tre herë fituesi i Topit të Artë, Cristiano Ronaldo mbushi 31 vjet. Ylli i Real Madridit, Cristiano Ronaldo, feston ditëlindjen e tij të 31-të, në një kohë ku po ka luhatje të formës së tij edhe përkundër se qëndron mirë me gola. Kanë kaluar vetëm tre dekada që kur ka ardhur në këtë botë dhe Ronaldo tashmë është një legjendë e gjallë e futbollit dhe ka të shkruar emrin e tij në historinë e këtij sporti, transmeton Gazeta Express.
Një lojtar muskulor, i pasur me teknikë dhe klasë, por edhe me një arrogancë, janë disa fjalë që mund ta përshkruajnë portugezin.
Gjatë këtyre viteve ai fitoi trofeun e kampionit të Portugalisë, Ligën Premier, Ligën e Kampionëve, Kupa dhe Superkupa, si dhe Kupën e Botës për Klube.
Kulmi i karrierës së Ronaldos ishte sezoni i parë me trajnerin Carlo Ancelotti, kur fitoi La Deciman me Real Madridin, transmeton Gazeta Express. Ronaldo ka fituar tre Topa të Artë, dy radhazi para se të rikthehet Lionel Messi i cili fitoi Topin e pestë të Artë për vitin 2015.
