Këshilli i Ministrave, është duke rishikuar për herë të dytë buxhetin e vitit 2025.
Përmes një njoftimi zyrtar, Ministria e Financave e Republikës së Shqipërisë, lajmëron se ky rishikim vjen pas një analize të bërë të performancës 5 mujore të ecurisë së zbatimit të projekteve, si dhe të vlerësimit të pritshmërive për realizimin e tyre të mëtejshëm.
Kështu, paerashikohen të alokohen ose rialokohen 11.8 miliardë lekë. Këto para, do të fokusohen për mbështetjen e sektorëve prioritare, ashtu sikurse e në nxitjen e mëtejshme të investimeve publike, bën me dije ministria.
Nga këto para, 5.6 miliardë lekë parashikohen të rialokohen për të siguruar fondin e sigurisë digjitale dhe në mbështetjen e rritjes ekonomike të qëndrueshme, përmes përmirësimit të infrastrukturës kombëtare.
Rreth 3 miliardë lekë shkojnë për miratimin e një skeme të re të Garancisë Sovrane për sëktorin e Bujqësisë. Kjo ka si qëllim rritjen e aksesit në financë nga ndërmmarjet e vogla e të mesme. Po kështu, këto para parashikojnë edhe krijimin e kushteve për rritjen e kapaciteteve prodhuese të konkueshmërisë për këto ndërmarrje në sektorin e bujqësisë.
Së fundmi, parashikohet që të bëhet e rishpërndarja e fondeve të brendshme, në kuadër të përmirësimeve në teknologjinë e informacionit në administratën publike.
Në njoftimin e ministrisë, sqarohet se deficiti buxhetor mbetet i pandryshueshëm, në nivelin rreth 68.1 miliardë lekë dhe si rrjedhim edhe borxhi publik nuk ndryshon.
