“Me Manchester United fitova Champions League, por pothuajse nuk komunikoja fare me Ferdinand, Giggs apo Scholes. Thjesht sa për mirësjellje, vetëm kaq”. Kështu thotë Cristiano Ronaldo, i pyetur për miqësinë e treshes së Barcelonës, Messi, Neymar e Suarez, të cilët duken shumë të afërt me njëri-tjerin.
Pas këtyre fjalëve, Rio Ferdinand ka reaguar me humor. “Më paska harruar! Ne i kishim dyert ngjitur. E pabesueshme”, tha Rio, tani analist futbolli në BT Sport.
Pastaj, kur Gary Lineker, prezantues i emisionit, i tha se ndoshta ai duhej t’i kishte gatuar edhe ushqimin Ronaldos, Ferdinand u përgjigj: “Nuk i pëlqente gatimi im”.
