Një skemë rekrutimi dhe ndihme për refugjatët nga ana e kontrollorëve të rinasit, është zbuluar së fundmi, cka ka sjellë arrestimin e 4 personave. Një person i pestë është në kërkim për këtë cështje, ndërsa të arrestuarit janë personel i aeroportit të Rinasit. Isa Bardhoci, Evjon Malaj, Migena Qirkollari dhe Florinda Metko janë të prangosurit. Sipas hetimeve paraprake kontrollorët dhe përgjegjësi i tyre ka lejuar kalimin drejt vendeve të Bashkimit Evropian 5 shtetas turq, me kombësi kurse. Ata ishin pajisur me ‘’ftesa zyrtare’’ të falsifikuara nga ana e këtyre kontrollorëve për të vizituar Shqipërinë për turizëm, raporton ‘’Shqip’’.
Por hetimet thonë se kontrollorët dhe përgjegjësit e tyre: Isa Bardhoci, Evjon Malaj, Migena Qirkollari dhe Florinda Metko, komunikojnë me persona të ndryshëm, që japin porosi që persona me precedent penalë të mos kontrollohen, apo në rastin kur nuk kanë të gjithë dokumentacionin e nevojshëm, kryesisht pasaportën.
Nënkomisari Bardhoci akuzohet për 20 raste të lejimit, Malaj oër 11, Rikollari për 5 dhe Metko për 6 raste.
