Arsenal-Bayern është ndeshja më e spikatur e mbrëmjes së sotme, me Champions League që rikthehet, me ndeshjet e treta të fazës së grupeve. Për “topçinjtë” e Londrës paraqitet mundësia e fundit për të mbetur në garë për një nga dy vendet e para, ose me konkretisht për pozicionin e dytë, pasi Bayerni i Mynihut vështirë se mund ta vërë në diskutim kreun e Grupit F. Arsenali është mundur në dy ndeshjet e para, me Dinamo Zagreb dhe Olimpiakos, ndaj i duhet me çdo kusht fitorja sot. Në Zagreb luan Dinamo kundër Olimpiakosit.
Në Grupin E, Barcelona pa Lionel Messin, do të kërkojë suksesin në fushën e Bate Borisov, me skuadrën bjelloruse që vjen pas fitores me Romën. Kjo e fundit luan në BayArena, kundër Bayer Levekusen.
Në Grupin G përballja më e rëndësishme është ajo mes Dinamos së Kievit dhe Chelsea-t, që vjen pas humbjes 2-1 me Porton.
Blutë e Londrës duhet të paktën të shmangin humbjen për të mos i komplikuar edhe më shumë pozitat në këtë grup. Porto pret Macabi Tel Aviv.
Në Grupin H, Zeniti do të presë Lyonin me objektivin për ta mbyllur sa më parë cështjen e kualifikimit, pasi në dy ndeshjet e para ka marrë pikë të plota. Ndërkohë Valencias nuk i falet të një tjetër fals në Mestalla ku do të presë kampionen e Blegjikës, Gent.
