Reshje të dendura dëbore kanë përfshirë mbrëmjen e djeshme qarkun e Dibrës, ndërsa si pasojë e reshjeve është bllokuar sërish edhe qarkullimi në rrugën e Arbrit. Policia ka bllokuar Bypassin e Murrizit në fshatin Fshat të Klosit dhe në Bastar-Murrizë nga krahu i Tiranës.
Trashësia e dëborës në afërsi të Bypass arrin deri në 15 cm, duke e bërë të vështirë qarkullimin e automjeteve. Në rrugë janë mjetet borëpastruese të firmës, por për shkak të reshjeve që vazhdojnë pastrimi total i rrugës është i pamundur.
Kjo nuk është hera e para që rruga e Arbrit bllokohet për shkak të motit të keq, kjo pasi, kalimi ne Bypasin e Murrizit bëhet i rrezikshëm.
Reshjet e dëborës të rëna gjatë natës në Malësinë e Krujës kanë bërë që në rrugën Krujë – Qafështame të krijohet prezencë akulli.
Dhe pse trashësia e dëborës është e papërfillshme pasi bëhet fjalë për pak centimetra për të përshkuar ketë aks nevojiten zinxhirë pasi ka prezencë akulli
Ndërkohë gjatë natës një pjesë e madhe e qytetit, por edhe disa fshatra të Malësisë kanë qenë pa energji elektrike, por dritat janë rikthyer në mëngjes.
Prej mbrëmjes së djeshme kanë rinisur reshjet e borës në qarkun e Korçës. Trashësia e dëborës varion nga 10-25 cm.
Mbrojtja Civile bën me dije se në zona të veçanta të shoqëruar me stuhi ere nga drejtimi i veriut, duke krijuar edhe duma dëbore. Aktualisht nuk ka reshje. Ndërsa temperatura mesatare është -5 gradë. Në akset rrugore ndodhen borëpastrueset.
“Kushtëzuar nga sasia e reshjeve, temperaturat, prezenca e erës në disa zona, qarkullimi i mjeteve rekomandohet me goma dimërore , ne orët e paradites. Kërkohet kujdes nga përdoruesit e rrugës ne orët ne vijim. Puna do vazhdoje për mirëmbajtje dimërore në të gjitha akset, deri në normalizimin e situatës”, thuhet në njoftim.
g.kosovari
