Një roman i realizmit socialist me nuanca të dukshme të realizmit magjik ky është një nga konkluzionet për romanin voluminoz “Lulet e Kripës” të shkrimtarit të njohur shqiptar Jakov Xoxa. Romani, i cili titullin origjinal më 1978 e ka pasur në njëjës, pra “Lulja e kripës”, është prezantuar në një veprimtari me karakter shkencor këtë të premte ne Akademinë e Shkencave në Tiranë.
Kumtesat u përqendruan në prezantimin dhe zbulimin e vlerave të mirëfillta letrare, duke shmangur paragjykimet se vepra i përket metodës formaliste të realizimit socialist. “Lulet e Kripës” në variantin e plotësuar e të ripunuar bëhet tashmë pjesë e debateve shkencore për rivlerësimin e letërsisë shqipe.
Studiuesi Agim Vinça ka diskutuara për shijen e paharruar të romanit në vitin 1978, kur u botua në Kosovë.
Studiues Behar Gjoka theksoi disa nga realizimet estetike dhe letrare që e bëjnë veprën e Jakov Xoxës një gur të çmuar në letërsinë shqipe.
Ndriçim Kulla ka theksuar ndër të tjera edhe kontributin për gjuhën shqipe të Jakova Xoxës.
Më tej gjate veprimtarisë shkencore Leksiku dhe moderniteti i romanit janë analizuar nga nga Ben Andoni, ndërsa për stili letrar foli shkrimtarja Diana Çuli. “Lulet e kripës” ka qenë një nga veprat më të lexuara para viteve ’90, për faktin se në faqet e kësaj vepre voluminoze kishte jetë, ndjenjë, drama dhe dashuri.
shqiptarja.com/d.i.
