Jennifer Garner dhe Ben Affleck duket se janë shumë të zënë me projektet e tyre filmike.
Ish çifti është parë në Long Beach në Kaliforni duke xhiruar për filmat respektivë. 52-vjeçarja po xhiron seritë e “The Last Thing He Told Me”, ndërsa Affleck ”RIP”, një projekt nga Netflix, vetëm pak kilometra larg.
Aktori u pa të mbërrinte me motorin e tij në sheshxhirim, ndërsa Garner ishte e rrethuar nga ekipi i punës.
Përtej karrierës, Garner dhe Affleck janë të angazhuar me bashkëprindërimin e tre fëmijëve të tyre. Ata kanë ruajtur miqësinë pasi i dhanë fund martesës 13-vjeçare në 2018.
Secili ka vazhduar lidhjet personale, Affleck u ribashkua me Jennifer Lopez në 2022 dhe më pas u divorcua këtë vit, ndërsa që prej 2018 Garner ka një marrëdhënie të paqëndrueshme me biznesmenin John Miller.
Një burim tha për InTouch se dy ish-bashkëshortët janë “më të afërt se kurrë”. “Ata kanë krijuar një respekt të ndërsjellë dhe miqësi më të fortë që s’e kishin dikur. Madje disa miq pyesin nëse mund të jenë drejt rikthimit. Ata kanë një histori dhe dashuri të fortë për njëri-tjetrin. Kalojnë kohë bashkë dhe iu ndrin fytyra kur takohen. Le të themi se Ben dhe Jen janë shumë mirë”, përfundoi burimi.
Një tjetër burim tha pë Page Six se Ben ishte shumë i lumtur që mundi ta kalonte Festën e Falenderimeve me familjen e tij sepse ndien që mund të jetë “vetja lirisht” në praninë e fëmijëve dhe Jennifer.
