Prokuroria e Sarandës ka sekuestruar sot 679 m2 truall të regjistruar në shkelje te ligjit. Kërkesa është bërë nga Prokurori Kledian Llaho, i cili ka avancuar në hetimet ndaj ish-Drejtuesve dhe zyrtarëve të ASHK Sarandë. Burime bëjnë me dije se trualli i sekuestruar ndodhet ne zonën “Turizëm – Kanali i Cukës” dhe nga pronësi shtet ishte regjistruar në emër të dy biznesmenëve nga Saranda, te cilët aty kishin ngritur një biznes.
Ky sekuestrim është ne kuadër te procedimit penal 297 te vitit 2021 ku në 24 mars u arrestuan 4 zyrtarë dhe ish-zyrtarë të ASHK Sarandë dhe u shpall në kërkim ish-Drejtoresha e institucionit. Sekuestrimi i sotëm vjen pas sekuestrimit te 9920 m2 truall në 2 qershor me urdhër të Prokurorit Llaho, të tjetërsuar me dokumente të falsifikuar dhe të regjistruar me pas në emër të 11 personave privatë.
NJOFTIMI I PROKURORISË
Prokuroria pranë Gjykatës së Shkallës së Parë Sarandë ka sekuestruar në datë 22.7.2022 një sipërfaqe prej 679m2 tokë truall në zonën Turizëm-Kanal i Çukës.
Në kuadër të procedimit penal, me nr. 297 të vitit 2021, regjistruar ndaj zyrtarve të Agjensisë Shtetërore të Kadastrës Sarandë, hetimet kanë avancuar duke konstatuar elemente të veprës penale të shpërdorimit të detyrës.
Për këtë arsye, Prokuroria pranë Gjykatës së Shkallës së Parë Sarandë në mbyllje të hetimit ka proceduar më tej me sekuestrimin e pasurive tokë shtetërore të regjistruara ne shkelje të ligjit në favor të dy shtetasve.
g.kosovari
