Shqipëria po kthehet në kryefjalën e turizmit europian, duke marrë vlerësime maksimale nga dy prej mediave më të rëndësishme në Itali dhe Suedi.
Megjithëse vijnë nga profile të ndryshme, të dyja revistat bien dakord se riviera Shqiptare është destinacioni që nuk duhet humbur për këtë sezon veror.
Revista italiane e udhëtimeve “The Wom Travel” fokusin e vë te estetika dhe natyra.
Arikulli ndalet kryesisht në rivierën shqiptare, veçanërisht te Ksamili, duke e cilësuar Maldivet e Europës për shkak të rërës së bardhë dhe ujit tejet të kthjellët.
Theksi vihet te kombinimi i ishujve piktoreskë, natyrës dhe mikpritjes që i bën turistët e huaj të ndihen si në shtëpi.
Ndërsa gazeta suedeze me fokus në ekonomi, Dagens Industri, analizon suksesin e Shqipërisë nga ana praktike e portofolit.
Sipas artikullit, vendi ynë është më ekonomik se Spanja dhe Greqia dhe ofron të njëjtën cilësi deti si fqinjët e saj, por me gjysmën e çmimit.
Sipas mediave të huaja, pavarësisht nëse kërkon pushime luksoze për syrin apo një udhëtim ekonomik për xhepin, Shqipëria i plotëson të gjithë kriteret e cilësisë,duke sfiduar hapur gjigantët tradicionalë të turizmit.
