Pas sulmit me armë në banesën e prindërve të gazetares Klodiana Lala, ka ardhur edhe reagimi i Organizatës ndërkombëtare Reporterët pa Kufij për lirinë e informacionit (Reporters Without Borders).
RSF në një shënim në Twitter shkruan se denon sulmin me kallashnikov ndaj shtëpisë së gazetares.
“RSF dënon sulmin me kallashnikov në shtëpinë e Klodiana Lala, një reporterë investigative që mbulon krimin e organizuar në Shqipëri. Autoritetet e kanë për detyrë ta mbrojnë atë dhe të dënojnë sulme të tilla”, thuhet në reagimin e Reporterëve pa Kufij për Europën./a.m.
