Trajneri i Milanit, Stefano Pioli, është kthyer të flasë në konferencë për shtyp përpara ndeshjes ndaj Brescia në kampionat. Kuqezinjtë vijnë nga dy fitore radhazi në Serie A dhe përfshirë Kupën janë tre fitore (kualifikim ndaj SPAL). Për trajnerin, megjithatë, kaq nuk mjafton dhe “renditja do të qëndrojë e varur në dhomat e zhveshjes në Milanello deri në fund të kampionatit. Nuk jemi këtu për të krehur flokët e kukullave, po për të kthyer Milanin aty ku i takin”.
“Rëndësi nuk ka moduli që ka ndryshuar, por se si luajmë, se si sakrifikohemi dhe se si zbresim në fushë. Po bëjmë mjaft mirë dhe paraqitjet janë pozitive. Skuadra po rigjen veten dhe Castillejo kishte të drejtë kur tha se kemi kaluar momente të vështira. Tani pres rritje dhe më shumë. Jashtë fushe kemi bërë më mirë, e thonë numrat”.
Stefano Pioli ka folur për çështjen “Paqueta” me futbollistin që është mërzitur sepse nuk po luan dhe madje pati një ankth pas ndeshjes me Udinesen saqë u deshën kontrolle mjekësore për të parë gjendjen e tij alarmuese…
Sakaq, braziliani ka kërkuar largimin pasi nuk është më i lumtur dhe situata ka ndryshuar brenda 1 viti që kur u transferua nga Flamengo. Trajneri i tij, sakaq, nuk kursen kritikat: “Paqueta duhet të punojë dhe të kërkojë më shumë nga vetja. Nëse zbret në fushë pres gol nga ai ose të paktën të japë pasim për gol”.
Piatek nuk është zënë fare me gojë nga trajneri, ndërsa për Suson tha se “po stërvitet mirë dhe është në dispozicion për të luajtur”. Rebic? “Ka shanset e tij, sigurisht është kandidat për një vend titullari”.
