Në kohën kur në Kryesinë e Kuvendit nisi mbledhja e tryezës së ekspertëve të Reformës, aty mbërriti edhe kryeministri Edi Rama.
Ai i është drejtuar zyrës së aleatit të tij në qeverisje, kryetarit të LSI Ilir Meta.
Takimi midis tyre pritet të ketë në fokus pikërisht çështjet që do të shtrohen për diskutim në tryezën e ekspertëve.
Një ditë më parë dy krerët e koalicionit mbajtën një tjetër takim konsultativ për Reformën në Drejtësi, takim pas të cilit Meta i bëri thirrje opozitës të marrë pjesë në tryezën e ekspertëve.
Kërkesat e opozitës për Reformën mendohet të jenë në fokus të takimit Rama-Meta në Kryesinë e Kuvendit.
Mësohet se takimit i’u bashkua për disa minuta edhe Ministri i Drejtësisë Ylli Manjani, i cili pasi doli nga ambjentet e Kryesisë së Kuvendit nuk preferoi të komentojë për mediat mbi temën e diskutimit.
