Nga qyteti i Korçës, zv.Kryeministri Niko Peleshi tha se qeveria është në pritje të opozitës në lidhje me reformën në drejtësi. Peleshi kujtoi se kjo reformën ka qenë një premtim i PS dhe se maxhoranca ka qenë e gatshme prej ditësh tashmë për ta sjellë përpara votimit në parlament reformën.
“Reforma në drejtësi është premtim i PS-së, po presim konsensusin. Jemi të përfshirë në draftet e Komisionit të Venecias”, tha Peleshi.
“Reforma do të jetë një e mirë jo vetëm për investitorët e huaj, por edhe për ata shqiptarë”, shtoi Peleshi.
Të hënën PD do të mbledhë grupine saj parlamentar për të dhënë dhe pozicionin e saj në lidhje me draftin e reformës në drejtësi i cili tashmë është gati dhe pritet të miratohet në parim në Komisionin e Posaçëm të Reformës.
Ditën e nesërme pritet gjithashtu që të zhvillohen dhe takimet mes grupeve parlamentare të 3 partive kryesore në vend me ambasadorët e SHBA dhe BE në lidhje me këtë çështje. Javanews/ a.k
