Sesioni parlamentar i Kuvendit do të përmbyllet të hënën, më 25 korrik me miratimin e projektligjeve të mbetura.
Burime nga Kuvendi bëjnë të ditur se në axhendën e punimeve nuk është futur paketa prej 7 ligjesh, që janë ligjet bazë dhe që e bëjnë të zbatueshëm projektin kushtetues, të votuar me unanimitet në parlament ne oret e para të mëngjesit te sotëm.
Sipas burimeve, 7 ligjet e reformës në drejtësi mund të shtyhen në shtator.
Ne kete pakete përfshihet pr/ligji “Për Gjykatën Kushtetuese”, ai “Për rivlerësimin e gjyqtarëve dhe prokurorëve”, pr/ligji “Per organizimin e gjyqësorit”; ai “Për organizimin e prokurorisë”; “Për organet e qeverisjes së sistemit te drejtësisë”, pr/ligji Për Organizimin e Pushtetit Gjyqësor”; pr/ligji “Per statusin e gjyqtareve dhe prokuroreve” dhe ai “Për organizimin dhe funksionimin e institucioneve për te luftuar korrupsionin dhe krimin e organizuar”.
Të 7 pr/ligjet kanë kaluar tashme në komisionin e posaçëm parlamentar dhe pritet t’i përcillen për miratim Kuvendit.
Reformimi i sistemit të drejtësisë ka diktuar nevojën e ndërhyrjeve në rreth 40 ligje, por 7 prej tyre konsiderohen me prioritaret dhe qe do te kalojne brenda ketij sesioni.
