Nga parlajmërimet drejt zyrtarizimit. Rafael Benitez nuk do të jetë më trajneri i Realit të Madridit.
Ekipi “merengue” eshtë shumë pranë shkarkimit nga detyra Benitezin pas një serie rezultatesh negative.
Vendimi final për largimin e Benitezin, drejtuesit e klubit madrilen e morën pas barazimit të një dite më parë në ndeshjen e kampionatit përballë Valencias me shifrat 2-2.
Shkarkimi i tij përflitej prej kohësh, pasi Reali këtë vit nuk është në lartësinë e duhur.
Pozitat e Benitezit u tronditën edhe më shumë dhe largimi i tij dukej i pashmangshëm pas humbjes së thellë 0-4 përballë rivalëve historik të Barcelonës.
Në vend të tij në detyrën e trajnerit të Realit tashmë do të jetë një ish-futbollist legjendar i madrilenëve, francezi Zinedine Zidane, i cili aktualisht mban postin e trajnerit të Real Madrid Castilla.
