Italia është ndër dhjetë vendet që janë nën monitorimin e Komisionit të BE-së për çekuilibër të tepruar makroekonomikë.
“Frika e lidhur me raportin e lartë të borxhit publik/PBB mbetet e pandryshuar”, thekson ekzekutivi europian në raportin e mekanizmit Alert.
Vendi do të duhet t’i nënshtrohet rishikimeve të thelluara për të vlerësuar evoluimin e situatës.
Në total, janë 17 shtete anëtare në të cilat do të kryhen rishikime të thelluara.
Ndër të ekzaminuarit janë edhe Franca, Gjermania, Greqia, Holanda, Portugalia dhe Spanja.
Tani janë shtuar Republika Çeke, tre vendet baltike, Hungaria, Luksemburgu dhe Sllovakia.
Italia, frika mbetet për raportin borxh/PBB
“Në Itali frika e lidhur me raportin e borxhit të lartë publik/PBB mbetet e pandryshuar”, nënvizon Komisioni i BE-së.
Borxhi “mbetet i lartë” dhe, megjithëse ra në 150.3% të PBB-së në vitin 2021, “pritet të mbetet shumë mbi nivelin e tij të vitit 2019”.
Deficiti, i reduktuar në 7.2% në vitin 2012, “pritet të vazhdojë të tkurret.
Por diferencat e rendimentit devijuan “dukshëm” nga mesatarja e Eurozonës duke rritur kostot e huamarrjes.
“Rreziqet për qëndrueshmërinë fiskale janë të larta në afat të mesëm.”
Italia vunerabël ndaj kushteve të financimit të borxhit
Në afat të mesëm, Italia, së bashku me tetë shtete të tjera anëtare, mund të përballet me “risqe të rritura për qëndrueshmërinë fiskale”. Sipas Komisionit Evropian, vendet me raportet më të larta të borxhit janë veçanërisht të prekshme ndaj ndryshimeve në kushtet e financimit.
Në një skenar të një rritjeje prej 1 pikë përqindjeje në diferencën midis rritjes dhe normave të interesit, “borxhi do të rritet me më shumë se 10 pikë përqindje të PBB-së deri në vitin 2023 në Itali, Greqi, Spanjë dhe Portugali”.
Rreziku i politikave ekspansive
Për shumicën e vendeve të Eurozonës ekziston rreziku që qëndrimi fiskal të rezultojë të jetë më ekspansionist se sa parashikohet aktualisht.
Prandaj, pasiguria në lidhje me trendin e çmimeve të energjisë dhe mungesa e informacionit për zgjatjen e mundshme të masave të energjisë peshojnë rëndë deri në vitin 2023.
Komisioni e vëren këtë në pakon e vjeshtës që hap semestrin evropian, veçanërisht në mesin e konkluzioneve për vlerësimin e dokumenteve të planifikimit buxhetor të paraqitura.
Ndër vendet me borxhe të larta, Brukseli beson se planet fiskale të Francës, Greqisë dhe Spanjës janë në përputhje me udhëzimet fiskale të përfshira në rekomandimet e Këshillit.
Projekt-plani buxhetor i Belgjikës është pjesërisht në përputhje, ndërsa ai i Portugalisë ka të ngjarë të jetë vetëm pjesërisht në përputhje me rekomandimin.
“Rritja e shpenzimeve korente primare të financuara në nivel kombëtar të Belgjikës nuk duhet të jetë më e vogël se rritja e prodhimit të mundshëm në periudhën afatmesme”, vijon raporti./m.j
