Trajneri i Leicesterit, Claudio Ranieri, thotë se Riyad Mahrez do të vepronte mençur nëse vendos të mbetet edhe për një sezon te kampioni anglez.
Mahrez, që po kërkohet me ngulm nga Arsenali, sipas Ranierit mund të largohet nga klubi nëse i vjen një ofertë e majme.
“Shpesh flas me të dhe i them të qëndrojë me ne, është më mirë për të ardhmen tënde, mendoj se ai është inteligjent dhe do të qëndrojë. E përkrahim shumë, kjo është e rëndësishme. Kur ndërroni ekip ju nuk gjeni përkrahjen në të njëjtin nivel”, ka thënë Ranieri për “SkySports”, transmeton koha.net.
“Ai do të përmirësohet akoma nëse qëndron me ne, ndoshta vitin e ardhshëm mund të mendojë zgjidhje tjetër. Nëse largohet për shumë para, të gjithë do të prisnin diçka speciale. Ai mund të bëjë diçka speciale, por me ne”, ka shtuar italiani. (b.an)
