Sergio Ramos ka dhënë një përgjigje të fortë për kritikat në lidhje me lëndimet që ia shkaktoi Loris Kariusit dhe Mohamed Salahut në finalen e Ligës së Kampionëve në Kiev.Loja e ashpër e Ramos në fitoren e Real Madridit 3-1 kundër Liverpoolit në fund të majit ka qenë temë debati pas ndeshjes edhe pas gati dy javë përfundimi të saj.Mjekët konfirmuan të hënën në mbrëmje se Karius kishte përjetuar tronditje në tru si pasojë e goditjes më bërryl të spanjollit, derisa Salah ende është në dyshime për Botëror për shkak të lëndimit të krahut po ashtu nga një ndërhyrje brutale, alla mundje e Ramos.Por Ramos, i cili e ngushëllojë Salahun e përlotur gjatë kohës kur po dilte nga fusha e NSC Olimpiyskiy, beson që është duke u akuzuar pa të drejtë.
“Dreqi e mori, ata po i japin shumë vëmendje kësaj punës së Salahut…nuk dua të flas sepse çdo gjë është e zmadhuar”, i tha ai gazetarëve këtë javë.“E kam parë ndeshjen më vonë, ai kap dorën time dhe rrëzohet në anën tjetër, lëndimi ndodh në dorën tjetër kurse ju thoni se unë bëj rrëzim xhudo”.“Portieri thotë se unë e godita atë me qëllim, mungon vetëm lëndimi i Firminos me një pikë djersë time që ra mbi të”.Salah për momentin është duke u shëruar në Spanjë para se si ti bashkohet ekipit të Egjiptit në Kajro në fund të kësaj jave, me menaxherin Hector Cuper që mendon se ai do të paraqitet në Rusi.Largimi i tij në pjesën e parë prishi ëndrrën e Liverpool për ta fituar titullin, por Ramos mendon se ai ka luajtur i lënduar në këtë ndeshje.
“Kam biseduar me Salah përmes mesazheve dhe ai është mirë tani”, ka vazhduar ai.
“Ai mund të kishte luajtur nëse kishte marrë një ineksion në pjesën e dytë, e kam bërë ndonjëherë kur kam pasur lëndime të këtilla dhe e kam përfunduar ndeshjen. Nuk e di nëse ne jemi Madrid dhe fitojmë për kohë kaq të gjatë kurse njerëzit na shohin ndryshe”.
Ramos e ngriti trofeun e katërt të Europës atë natë në Ukrainë, duke mos ja mundësuar Liverpoolit ta fitojë të gjashtin, edhe pse nuk ishte fitore e arritur pa shumë raste kontraverse gjatë gjithë sezonin.Nëse Salah do të vazhdonte të luante me krahun e lënduar gjërat do të kishin shkuar ndryshe, e njëjtë edhe në goditjen në Kariues, prapë gjërat do të ishin ndryshe, përgatiti ”GazetaExpress”. (b.an)
