Kryeministri Edi Rama ka uruar Hashim Thaçin me rastin e zgjedhjes President i Republikës së Kosovës.
“Urime Zoti President! Kam bindjen do të jesh në lartësinë e detyrës e uroj suksesi i parë të jetë tejkalimi i krizës #KosovesiDuhenTeGjithe”, shkruan Rama në Facebook.
Me urimin e Ramës është bashkuar gjithashtu edhe kreu i Kuvendit, Ilir Meta.
Gjithashtu, sh-kryeministri Pandeli Majko e ka uruar Thaçin me një postim në Facebook.
“Urime Presidentit te ri te Kosoves, Hashim Thaci.
Prishtina politike pohoi vetveten duke prodhuar ate qe ekziston. Realizmi ne politike, ne pergjithesi, nuk eshte as frymezues dhe nxites. Udhetimi HashimThacit nga Rambujeja ne Presidence eshte pjese e historise se re te Kosoves. E verteta, eshte gjithmone ne numer njejes”, shkruan Majko.
