Kryeministri Edi Rama mori pjesë sot në një aktivitet të zhvilluar për agroturizmin në Shkallnur Durrës, teksa i pranishëm ishte edhe ambasadori i BE-së në Shqipëri Luigi Soreca dhe ministri i Bujqësisë, Niko Peleshi.
Në këtë takim Rama bëri batuta në lidhje me futbollin me diplomatin e BE-së, pasi kryeministri shqiptar është tifoz i Juventusit, ndërsa Soreca me Napolin.
“Kemi një kontradiktë të pashmangshme që do të mbetet deri në fund se ambasadori është me Napolin, unë dihet se me kë jam.
Sa herë e shoh me vjen keq se është gjithmonë i dyti, por sidoqoftë po e mbajtët vendin e dytë në raport me ne, jemi mirë të dy palët.
Të paktën në këtë rast.
Merreni si të doni ju këtë tani”- tha Rama.
/b.d
