Duket e cuditshme, por ekziston një moment ky kryeminstri Edi Rama ndihet i lumtur që Lulzim Basha si kryebashkiak nuk e ka bërë punën në drejtimin e kryeqytetit.
Bëhet fjalë për Bulevardin e Ri të Tiranës i cili vitin e ardhshëm do të jetë gati për qytetarët. Nëse Basha nuk do të kishte realizuar vetëm 2 % të projektit, – sipas Ramës do të kishte qenë e pamundur të bëheshin ndryshimet thelbësore që pësoi projekti, e që sot vjen edhe me një parking nëntokësor, të parin në Tiranë.
“Po merr formë më në fund, pas katër vitesh të humbura kot nën qeverisjen pa vizion, pa program, pa lidership të Lulëzim Bashës në krye të Bashkisë së Tiranës, Bulevardi i Ri i Kryeqytetit. Po ndërtohet me ritme të larta parkingu i parë nëntokësor i bashkisë dhe është gati për zbatim projekti, bashkëngjitur bulevardit, i Parkut të Ri Qendror të Tiranës, 6 herë më i madh se Parku Rinia! Po ashtu po ndërtohen platformat e gjelbërimit që u projektuan për të rritur përmasën e gjelbër përgjatë gjithë këtij aksi të ri. Është për të thënë shyqyr që në katër vjetët e humbura, bashkia e vjetër realizoi vetëm 2% të punimeve, sepse këto ndryshime me rëndësi kolosale që i’u bënë projektit do të kishin qenë të pamundura”, – shkruan Rama në rrjetin social Facebook.
Kreu i qeverisë bën të ditur se në kampionatin europian të futbollit që do të mbahet pas 4 vjetësh do të jetë hapësira e re që do të dhurojë spektakël për tifozët kuqëzinj? Duke u zhvendosur kështu nga Bulevardi “Dëshmorët e Kombit” ku është ngritur aktualisht “Tirana Fan Zone”
“Një bravo e madhe për Bashkinë dhe kryetarin tonë Erion Veliaj”, përfundon Rama, ndërsa bashkangjitur ka postuar edhe foto nga inspektimi i punimeve në Bulevardin e ri dhe parkingun e ri nëntokësor 306 vendesh. (express / r.a)
