Kryeministri Edi Rama ka replikuar sërish me qytetarët në Facebook, ndërsa këta të fundit shprehin shqetësimin e tyre për rritjen e çmimit të karburanteve dhe të produkteve ushqimore.
Një qytetar ka reaguar pas deklaratave të bëra nga Rama se ata që dalin në protestë janë të organizuar, duke nënkuptuar se pas revoltës së qytetarëve qëndron ish-kryeministri Sali Berisha dhe LSI.
Qytetari thekson se këto protesta janë tërësisht popullore dhe shqiptarët kanë dalë në shesh pasi iu ka shkuar thika në palcë.
Ndërkohë kryeministri Edi Rama, ka theksuar edhe njëherë se ai dhe qeveria e tij po punon për popullin që e votoi dhe jo për ata që dalin në shesh, marrin mikrofonin dhe ofendojnë.
