Kryeministri Edi Rama është përfshirë në një replikë me deputeten demokrate Grida Duma sa i përket vendimit të qeverisë për të rritur çmimin e energjisë për ata që harxhojnë 800 KW energji.
Sipas deputetes kush shpenzon mbi 7600 Lekë në muaj për energjinë, fatura shtesë do të jetë 4.4 herë më e lartë. “Të gjithë ata që normalisht në dimër shpenzojnë më shumë se 800 KË energji, që i korrespondon një fature prej 7,600 lekësh në muaj, do ta paguajnë energjinë shtesë shumë më shtrenjtë. Ky është vendimi i qeverisë, e cila pretendon që kjo prek vetëm 3 % të qytetarëve”, shkruante Duma.
Ndërkohë menjëherë ka ardhur reagimi i kreut të qeverisë. Sipas tij, 800 KW nuk prodhojnë një faturë mujore 7.600 lekë, por një faturë 9120 Lekë. Për ata që duan të harxhojnë më shumë, Rama thotë se do ta paguajnë çdo KW me çmimin real, 42 Lekë me TVSH.
“Komenti im është ky: 7X7 nuk bëjnë 42 dhe 800 kwh energji nuk prodhojnë një faturë mujore 7.600 lekë, por një faturë 9.120 lekë! Kush do të harxhojë më shumë, për çdo KW mbi 800-ën nuk do të paguajë çmimin e mbrojtur 9.5 lekë me TVSh, po çmimin real 42 lekë me TVSh”, shkruan Rama.
Sipas kreut të qeverisë sot vetëm 4% e konsumatorëve shpenzojnë mbi 800 KW/h. Ai shtoi se qeveria beson se kjo masë do të nxisë kursimin dh nga ana tjetër do të detyrojë më të pasurit që të paguajnë më shumë.
“Sot janë vetëm 4% e konsumatorëve që shpenzojnë mbi 800 KW/h dhe marrin 19% të konsumit energjetik të familjeve! Ne besojmë se kjo masë do të nxisë kursimin e nga ana tjetër do t’i detyrojë më të pasurit të paguajnë më shumë, në këtë kohë krize kur ata janë edhe më pak të prekurit”, shkruan Rama.
/a.r
Berisha,Meta,Rama po keni 32 vite qe po talleni me ne,po faji eshte i joni qe nuk cohemi dhe tiu hedhim ne kazanin e mbeturinave,e na flisni per Popullin ju,qe nuk late gje pa i bere ketij vendi.Mos u dini deri neser ne mengjes se po na i beni jeten te veshtire,harram kush ju vjen juve te treve nga pas