Kryeministri Edi Rama ka reaguar sërish, në lidhje me pezullimin e zëvendëskryeministres Belinda Balluku.
Rama ka lexuar një mesazh, që thotë se i ka ardhur nga një mik.
“U bë sebep një mik i mirë për ta bërë këtë komunikim, me një mesazh ku më shkruan se e kupton mirë, shqetësimin tim në lidhje me parimin dhe precedentin e rrezikshëm që krijon pezullimi i ministres, se nesër bëhet rruga se i bie që prokurorë e gjykatës heqin kë të duan nga qeveria. Por, në mesazh shton se ajo pjesa e linjës ajrore me Kanadanë i duket pak e tepërt”, nisi Rama komunikimin me qytetarët.
Pas mesazhit të mikut të tij, kreu i qeverisë i ktheu një përgjigje.
“Mbase është shumë e tepërt. Por sjell shembuj, për të thënë sesa i tepërt është pezullimi i një ministri. Sepse faktikisht ndryshe nga çdo funksionar publik, që mund të pezullohet, ministri i pezulluar jo vetëm që nuk firmos dot vetë asgjë, por bën që askush tjetër mos të firmosë në emër të dikasterit, sepse Kushtetuta ia jep të drejtën vetëm ministrit. Prandaj pezullimi i ministrit është absurd si koncept, sepse është bllokim i punës. Është bllokuar edhe marrëveshja për Kanadavë për fluturimet ajrore, që po mundohemi mos e zgjidhim me Ministrinë e Jashtme. Ja e zëmë se e zgjidhëm, po me lejet e ndërtimit për investimet në energji, infrastrukturat, që kanë kaluar në KKT dhe nuk zbardhen dot pa firmë? Prandaj unë kam shkuar në GJK”, tha kreu i qeverisë.
Kryeministri në fund të fjalës deklaroi se ministrja nuk mund të hiqet nga detyra në këtë rast, pasi nuk do zgjidhte probleme, që janë themelore, për nevojën e qytetarëve.
“Heqja e ministres në këtë rast do të krijonte një problem themelor më vete për të nesërmen. Jo për mua, por për çdo qeveri. Kjo, pasi miu i balancimit të pushteteve, që do kalonte këtë herë me mustaqe, me idenë se ministrat mund të hiqen pa gjyq, mund të hiqen pa vendim gjykate të formës së prerë, mund të hiqen pa dorëheqje, mund të hiqen pa vendim të kryeministrit dhe thjesht mjafton një masë sigurie në gjykatë të shkallës së parë, do kthehej në ujk, që do kafshonte qeveritë, do përbuzte parlamentet, do përqeshte votën popullore, nga ku edhe buron edhe përbërja e çdo qeverie. Ja pse kam shkuar unë në GJK. Kjo është betejë institucionale dhe jo politike, për të hequr të parin vendim pezullim ministri, me vendim gjykate. Nuk ka asnjë lidhje me emrin e vetë ministrit”, tha kryeministri.
Rama flet e flet, ndofta edhe ka të drejtë, por puna është se ky milet, e do edhe me të ckërmitur dhëmbët, se fjalën bindje apo llogjikë nuk e ka në agjendë, gjë e cila, ka sjellë që mos të pjerdhë kush për të (Ramën)