Kryeminsitri i vendit Edi Rama ka reaguar sërish pas akuzave të opozitës në lidhje me kultivimin e kanabisit dhe lidhjet e trafikantëve sipas pakicës politike me shefin e qeverisë dhe Ministrin e Brendshëm.
Rama shkruan në facebook se faktet e Guardia di Finanza flasin për asgjësimin e 99.8 % të parcelave të konstatuara, ndërkohë opozita sipas tij fabrikon shpifje dhe i ka shpallur luftë fakteve.
Ja postimi i Ramës:
Luftën përvitshme me fenomenin e trashëguar të kultivimit të kanabisit, e ka fituar edhe këtë vit, më bindshëm se asnjë vit më parë, Policia e Shtetit; e cila arriti të shkatërrojë 99.8% të parcelave të mbjella.
Ky grafik, bazohet në shifrat e raporteve të përvitshme të monitorimit ajror të Guardia di Finanza-s.
Ndërkohë, vazhdon edhe në këtë fushë, lufta kundër fakteve të provuara dhe shifrave reale, e cila është bërë një linjë mode e shëmtuar në debatin politik e publik; ku Top Modeli është padiskutim Saliu, i ndjekur pas në sfilatat e ditës nga drejtori i PD-së e nga deputetë, analistë, portalistë e propagandistë gjithëfarësoji të gënjeshtrave të kthyera në akuza…
