“Shqipëria ka qenë një prodhues kryesor i Kanabisit në Europë tre vite më parë, deri kur qeveria e vendosi ndalimin e trafikimit një prioritet të sajin”. Kështu raporton një tjetër media amerikane, e cila i kushton hapësirë raporti të djeshëm publikuar nga Policia e Shtetit mbi luftën kundër drogës në Shqipëri.
FOX NEWS ka shkruar mbrëmjen e djeshme një artikull me titull “Policia Shqiptare asgjëson 2,4 milion bimë marijuane prej qershorit.
FOX NEWS citon gjithashtu Drejtorin e Policisë së Shtetit Haki Çako, sipas të cilit 219 hektarët e identifikuar me bimë narkotike prej qershorit, janë 4 herë më shumë se sasia e konfiskuar nga autoritetet vitin e kaluar. Ndërsa 248 persona janë vënë në pranga për prodhim të marijuanës, pjesa më e madhe e së cilës e destinuar për Italinë, Greqinë, Kosovën dhe Malin e Zi raporton Tema.
“Media lokale citoi një ekspert sipas të cilit vlera e bimëve arrin rreth 3 miliardë euro (3.3 miliard dollarë amerikanë), një sasi e barasvlershme me 1/3 e Prodhimit të Brendshëm Bruto të Shqipërisë. Shqipëria ka qenë një prodhues kryesor i Kanabisit në Europë tre vite më parë, deri kur qeveria e vendosi ndalimin e trafikimit një prioritet të sajin”, përfundon artikullin kanali informativ amerikan Fox News./a.m.
