Kryeministri Edi Rama ka reaguar sërish për takimin e kreut të PD Lulzim Basha në Kukës i cili ka vijuar të shkelë rregullat anti COVID.
Kreu i qeverisë ka krahasuar pamjet nga sheshi ‘’Skënderbej’’ ku vijon vaksinimi ndaj COVID-19 dhe tubimit të Bashës në Kukës.
Rama e cilëson Bashën një drejtues pa karakter, pa përgjegjshmëri dhe të pacipë.
Ai uron që zoti të ruajë simpatizantët e PD nga ‘plagosja’ apo vdekja, duke dhënë shembullin e Malit të Zi për marshimet elektorale.
“Dy pamjet e një bote të ndarë, mes një populli që respekton rregullat, mbron jetën e vaksinohet dhe një turme që tërhiqet në rrugën e infektimit e të rrezikut për jetën, nga një drejtues pa karakter, pa përgjegjshmëri, pa cipë!
*Zoti i ruajt të verbërit pas LB nga plagosja e largqoftë vdekja, siç ndodhi në Malin e Zi ku këto lloj marshimesh elektorale rritën infektimet e sollën vdekje njerëzish
**Elbasan, Kukës“, shkruan Rama.
