Kryeministri Edi Rama ka publikuar një video në rrjetet sociale, ku sulmon atë që e cilëson si “urrejtje digjitale”, duke pretenduar se një pjesë e madhe e saj prodhohet nga jashtë Shqipërisë.
Në rrjetet sociale, kreu i qeverisë ka zbuluar disa komente negative dhe fyese të bëra në postimet e tij, nga llogari me emra fiktivë dhe të sapohapura.
Sipas shefit të ekzekutivit, rrethana të tilla vërtetojnë manipulimin digjital të protestuesve të Tiranës nga Irani, dhe paralajmëron fakte të reja për këtë pretendim.
Në postimin e tij, Rama shkruan:
“Çorba e sorrave, korbave dhe kuzhinierëve nga Lindja ku prodhohet shumica e helmit të urrejtjes digjitale (së shpejti edhe provat).”
