Kryeministri, Edi Rama, ka bërë të qartë sot në Kuvend se nuk do të negociohet kurrë e drejta kushtetuese e popullit për votuar e për të zgjedhur përfaqësuesit e tij, si dhe mandati i dhënë nga zgjedhësit. Kreu i qevrisë në këtë mënyrtë ka bërë të qartë se asnjë e drejtë kushtetuese e qytetarëve nuk do të negociohet me PD dhe aleatët e saj. Sipas tij, nuk do të ketë asnjë kompromis pa votuar paraprakisht vetting-un.
“Çdo ditë është një ditë e rëndësishme për dialog, për të hapur rrugën e arsyes. Nuk ka asnjë diskutim mbi ne për çfarë ne nuk negpogociojmë. Ne nuk negociojmë për Kushtetutën, për lirinë e të drejtat e njeriut për të votuar dhe zgjedhur. Nuk negociojmë mandatin e dhënë nga populli me zgjedhje. Nuk negociojmë Kushtetutën. Çdo gjë jashtë Kushtetutës është përpjekje për destabilizim. Kemi qenë dhe mbetemi dhe sot të hapur për çdo ndryshim në Kodin Zgjedhor që i hap rrugën PD-së të hyjë në zgjedhje. Kodin Zgjedhor mund ta votojmë sepse i kemi votat mbi bazën e rekomandimeve të OSBE-së. Por ne duam t’i qëndrojmë parimit që ligjin e zgjedhjeve ta ndryshojmë së bashku. Është detyrë e shumicës që t’i sigorojë pakicës barazi në procesin legjislativ sa i përket zgjedhjeve. Letra që si koalicion i kemi çuar KQZ-së synon të shpreh vullnetin e koalicionit që deri në fuind ti japë mundësi PD dhe partive rreth saj që të hyjë në zgjedhje. Jemi këtu për të konfirmuar aksin strategjik PS- LSI. Nuk është aks për karrige, por për reforma”, deklaroi Rama.
javanews.al/ma.me
