Kryeministri Edi Rama ishte sot në qytetin e Beratit. I shoqruar nga deputeti i qarkut Berat Eduart Shalsi, kryetari aktual i bashkisë Berat, Fadil Nasufi, Rama prezantoi kandidatin e ASHE-së për Beratin, Petrit Sinaj.
Në fjalën e mbajtur para të pranishmëve Rama tha se me Beratin do punohet fort në fushën e Turizmit dhe se për këtë ndihmon rruga Lushnje – Berat.
Nga ana tjetër Rama tha se nuk e njeh kandidatin kundërshtar, por u shpreh i bindur se fitorja e zotit Sinaj do të jetë e thellë sepse ai është drejtimi i duhur për Beratin.
Ndërsa deputeti Shalsi tha se puna për Beratin sapo ka filluar dhe se nëse dje ishte Berisha që pengonte e nuk investonte, sot nuk ka më asnjë pengesë.
