Kandidati i PD për Tiranën, Dr. Halim Kosova ka gjetur rastin të kundërpërgjigjet ndaj atyre që thonë se mosha e Kosovës i pamundëson atij vizionin për Tiranën.
Në një diskutim me të rinjtë Kosova tha:
“Flokët mund të të thinjen ose mund të të bien. Ajo që unë mendoj është kjo, të të thinjen ose të të bien duke ndihmuar tjetrin, apo të të bien ose thinjen se si ta shkatërrosh tjetrin, t’ia groposësh të ardhurat e tij, t’i groposësh shpresën, ta rrjepësh përditë, është një diferencë shumë e madhe. Unë e them me plot gojën dhe i dal çdo njeriu përballë që thinjat e mia janë devotshmëri, janë përkushtim për pacientin, janë 24 orë në shërbim të tij ashtu sikurse nesër jap zotimin tim se do të jem 24 orë në shërbimin tuaj”.
