Kryeministri Edi Rama ishte i ftuar në emisionin “Open” në Top Channel mbrëmjen e sotme ku foli për disa çështje, si fushata, pandemia, zgjedhjet.
Në studio u diskutua edhe Ilir Meta, për të cilin Rama tha se nuk e ka zgjedhur ai President.
Kreu i qeverisë tha se me Metën u nda pasi ishte kthyer në kërcënim real për Reformën në Drejtësi.
“Me Ilir Metën nuk më ka ndarë kjo fushatë, ju duhet ta kujtoni.
Më ka ndarë fushata e 2017, për Ilirin kam bërë krahasimin me vulën e eksport/import të Haxhi Qamilit, se Meta ishte kërcënim real i Reformës në Drejtësi.
President Metën nuk e bëra unë, e bënë votat e tij, e vetmja mundësi për të bërë një zgjedhje në atë kohë, se e kam thënë që për zgjedhjen më të mirë për opozitën, po s’e mendova që do lajthisë,” tha Rama.
/a.r
