Në “Pallatin e Brigadave” është mbajtur takimi me pjesëmarrësit e konferencës së agjencive të lajmeve europiane dhe ballkanike me temë: “News Agencies vs Fake News”.
Për pos drejtuesve të agjencive të informacionit, i pranishëm ishte edhe kryeministri Rama, i cili deklaroi se lajmet e rreme po shpërndahen me shpejtësi falë kontributit edhe të ndjekësve.
Kjo sipas shefit të qeverisë do të luftohet përmes përmirësimit të legjislacionit duke përdorur edhe mjetet e dënimit të shpifësve përmes gjobës.
Ai u shpreh se edhe Shqipëria e ka përjetuar historinë e hidhur me lajmet e rreme.
”Një lajm i këtij viti u përhap lajmi se qeveria kishte vensdosur të pranonte ish-luftëtarë të ISIS. Ky lajm qëndroi në disa media, por u desh kohë për tu tretur si diçka e pavërtetë. U deshëm shumë sforco për të treguar se u bë një shpifje e qëllimtë.
Marrëveshja ime me presidentin rus për t’i shitur një qytet të tërë në Shqipëri. E kështu me radhë në një situatë që nuk është vetëm pjesë e jona, por është një fenomen që duhet të përballemi që të gjithë. Kjo i shërben për të nxitur një gazetari klasike për burimet e lajmit. Qëllimi nuk është që ne duhet të shkojmë deri tek vendet e BE-së, ku shpifja është pjesë e Kodit penal apo edhe burg.
Media online është jashtë legjislacionit. Nuk dihen se kush i financon, dhe cilat janë edhe qëllimet e hapjes së tyre. Ne do të vendosim rregulla, që duke bërë disa ndërhyrja që nuk do të jetë me prekje të Kodit penal apo civil. Por një përditësim të legjislacionit ekzistues. Ne do të rrisim gjobat për lajme e rreme. Të garantojmë të drejtat e autorit. Do ndëshkojmë sh përhapësin e shpifësit, cilido që e merr dhe e replikon është po aq përgjegjës sa media e fillimit” – shtoi Rama.
Ai u shpreh se vetëm pesë vitet e fundit në Shqipëri janë regjistruar 20 mijë portale me domain .al dhe prej tyre, 700 janë faqe lajmesh.
/b.d
