Në përfundim të mbledhjes së Kryesisë së PS, Edi Rama tha se në nivelin personal ndjen keqardhje për deputetin Alqi Bllako, i cili pritet të arrestohet për “Inceneratorët”. Por sipas tij, përgjegjësia mbetet e tija pasi përgjegjësia kolektive është tipar i komunizmit.
Rama shtoi se kjo që po ndodh është frut i reformës në drejtësi, të cilën shumë nuk besonin se do të ndodhte.
“Prej reformës në drejtësi, sot nuk ka më mburoja politike. Unë nuk i komentoj vendimet që merr SPAK apo Gjykata sepse për mua përtej palës qëndron misioni që kjo rrugë të vazhdojë përpara pa u penguar. Që ta kuptojë publiku, ne nuk kemi ndërtuar inceneratorë, por impiant mbetjesh. Incenerimi është një pjesë e procesit.” – tha Kryeministri.
Ai shtoi se përtej individëve, interesi i tij është mbarëvajtja e reformës në drejtësi. Ai shtoi se askush nuk ia ndal dorën drejtësisë për të guxuar, qoftë edhe mbi politikanët.
/a.r
