Pas dëgjesës me rektorin e Universitetit Bujqësor, kryeministri Edi Rama u ndal tek qendrimi i mazhorancës ndaj sistemit të drejtësisë.
Para Grupit Parlamentar, Rama tha se po të mos ishte PS, as SPAK dhe as GJKKO nuk do të ekzistonte. Ai shtoi se socialistët kanë heshtur me vetëdije të plotë për pesë vite, por sot qeveria ndodhet para një faze të re.
“Kemi hyrë në një fazë të re ku duhet një drejtësi europiane dhe jo ruse. Unë nuk dua se teksa po negociojmë me BE, të çohet një holandez apo francez dhe të thotë se Shqipëria s’ka gjykata dhe prokurori që respektojnë standardet demokratike” – tha Rama para deputetëve socialistë.
