Kryeministri i vendit Edi Rama i është përgjigjur akuzave të opozitës sipas së cilës pas konçesionit të TVSH-së qëndron vëllai i tij Olsi Rama. Nga studioja e emisionit “Dritare” të gazetares Rudina Xhunga Rama tha se ka dëgjuar shumë shpifje, ndaj tij që nuk ja vlen të merresh me to. Madje kujtoi se ka dëgjuar se e kanë bërë edhe homoseksual.
“Mua më kanë akuzuar për të gjitha, që nga lidhje me Al-Qaedën, që nga homoseksuale, që mund edhe të kisha qënë, por nuk jam se nuk është asgjë kriminale, por nuk jam, te padrino, te pastrues i parave.Kam dëgjuar akuzën se djali im nuk është djali im, se kam mohuar atësinë e djalit tim. Dikur më skandalizonin, tani jo. Kjo është teknologjia e regjimit të vjetër që është transferuar në kohën e tranzicionit te një sekretar partie që u bë kryetar i Partisë Demokratike”, – tha Rama.
