Kryeministri Rama tha se do të rrinte gjatë në Komision për t’iu përgjigjur interesit të deputetëve. Rama tha se Tabaku gaboi duke thënë se inceneratori i Tiranës po financohej nga buxheti i shtetit. Sipas tij, nga buxheti financohen inceneratorët e Fierit dhe Elbasanit.
“Është një term që ma ka mësuar avokat Ngjela, quhet Lajthitje në Objekt. Tirana nuk është financuar nga buxheti i shtetit, Elbasani dhe Fieri po”, tha Rama duke shkaktuar reagimin e Tabakut dhe Belind Këlliçit.
Ndaj këtij të fundit Rama tha: Pasi ke ndejtur aq gjatë në të ftohtë në stadium, nuk mund t ëiki pa të dëgjuar ty.
Madje, tha Rama, nuk iki pa ju dëgjuar të gjithëve dhe mund të sillni edhe të tjerë këtu me ndërrim.
Kryeministri i tha Tabakut që t’i kërkonte ndjesë pasi e kishte fyer gjatë pyetjeve.
Rama në një moment iu drejtua demokratit Lefter Gështenjës duke e pyetur se si ishte. Kjo solli revoltimin e Tabakut e cila kërkoi qetësi dhe kthim përgjigje për pyetjen që parashtroi. Rama iu drejtua duke i thënë ‘do më lësh të thyej arrat e mi’.
