Ambasadori amerikan, Donald Lu deklaroi pak minuta më parë se organet ligjzbatuese kanë dështuar në arrestimin e bosit të krimit, Klement Balili.
Por e menjëhershme ka qenë kundërpërgjigjja e Ramës duke thënë se ky person, i cili pak vite më parë ishte drejtor transporti, do të kapet nga policia. Rama tha se Balili kishte mbrojtje politike.
“Unë e kuptoj shqetësimin e ambasadorit për Balilin dhe pa diskutim që kapja e këtij personazhi është domosdoshmëri dhe do të jetë sukses i madh. Ishte dy vjet më parë, ishte drejtor i lidhur politikisht. Çuditërisht jo drejtor peshkimi, por drejtor transporti. Sot është në kërkim dhe në bashkëpunim me partnerët, ai do të kapet, edhe pse nuk është e lehtë”, tha Kryeministri Edi Rama.”, deklaroi Rama.
Kryeministri deklaroi se raste të tilla nuk janë të lehta, pasi e vërtetojnë edhe shembuj të vendeve të tjera.
“Sot është në kërkim dhe patjetër që, në bashkëpunim me partnerët, ai do të kapet, edhe pse nuk është e lehtë, siç tregojnë edhe shembujt e vendeve të tjera kur bëhet fjalë për persona të kësaj natyre”, tha Rama.
Kujtojmë që Klement Balili ka qenë drejtor transporti në Sarandë i emëruar nga radhët e LSI
Javanews.al/a.ç
