Kryeministri, Edi Rama, konfirmoi se shumë shpejt do të takohet me Albin Kurtin, takim ky i kërkuar prej këtij të fundit.
Duke folur në një konferencë për mediat, Rama tha se me qeverinë e re të Kosovës shpreson se do të mbyllë boshllëqet e krijuara nga qeveria e vjetër.
Kreu i qeverisë shqiptare tha se do të propozonte krijimin e një ministrie Shteti për Kosovën dhe e njëjta gjë të bëhej edhe në Kosovë.
“Do takohemi në ditët në vijim, ka kërkuar të më takojë. E pres me shumë kënaqësi. E kam ndjekur në prononcimet e tij. Bie dakord me të që ka nevojë për një shtysë të re në marrëdhënien mes dy qeverive dhe marrëveshjeve të bëra. Shpresoj se me qeverinë e re do mbushim boshllëqet e krijuara nga qeveria e vjetër. Kam dhe disa propozime të reja për të që do ja bëj atij. Është momenti që të caktojmë një Ministër Shteti nga të dyja anët. Me shumë kënaqësi do diskutoj idetë e reja të Albinit. Me shumë kënaqësi do të dëgjoj idetë e freskëta të Albinit. Dhe shpresoj të marrë përgjegjësi të kalojë nga poezia e opozitës në prozën e qeverisjes”, tha Rama.
g.kosovari
