Kryeministri i vendit Edi Rama dhe kryetari i opozitës Lulzim Basha janë përfshirë në debate në distancë në lidhje me situatën ekonomike të vendit.
Fillimisht ishte kreu i mazhorancës ai që listoi disa arritje sipas tij në sektorin ekonomik, gjë e cila solli reagimin e kryetarit të PD Basha.
“Në Shqipëri borxhi publik sot është krejtësisht nën kontroll. Ndërhyrja që u bë në vitin 2013, për të shmangur kolapsin financiar në vend, mundësoi uljen e tij. Kemi garantuar që 97 për qind e shqiptarëve të kenë sot më pak taksa se në 2013. Bëmë reformën në sistemin fiskal, e domosdoshme për të vendosur ekonominë në ekuilibër. Reformën në sistemin energjitik, duke e kthyer nga një sistem i falimentuar në një sistem që krijon kushte për të ardhura. Reformën në sistemin e ndihmës ekonomike, reformën në sistemin arsimor në të gjitha nivelet, në sistemin shëndetësor, në forcat e rendit, administratës publike, etj”, tha Rama.
Por sipas kreut të selisë blu Basha, sot vendi gjendet në një situatë mjaft të vështirë si pasojë e politikave të ndjekura nga mazhoranca e majtë. Sipas tij, sot ekonomia gjendet në krizë të thellë, papunësia ëhstë në rritje, po ashtu edhe borxhi publik.
“Ekonomia ne krize, papunesia rritet cdo muaj, borxhi ne shifra alarmante, asnje investim publik asnje rruge, asnje shkolle, s’ka rritje pensionesh e rrogash. Mesatarisht 2 mln leke per familje u jane vjedhur shqiptareve nga oligarkia Rama ne vitin 2015. 91.6 milion dollare te shqiptareve jane shpenzuar vetem per zyra, makina, orendi, bileta avionesh, per luks. Me keto para do ishin hapur 12 mije vende pune ne vit me paga 500 dollare ne muaj, ose do ju ishte paguar ndihme e plote ekonomike 94 mije familjeve ne nevoje, ose do ishin ndertuar dhe mobiluar 38 shkolla te reja. Sa i perket investimeve te huaja, tenderave dhe koncesioneve, neser ne ora 12 fakte te reja tronditese drejtperdrejt ne media”, tha Basha në Facebook.
