Qeveria shqiptare, me ndryshimet e fundit të bëra në buxhet, i ka akorduar Ministrisë së Shëndetësisë një shumë shtesë prej 10 milionë dollarë.
Kjo shumë do të shërbejë për të blerë vaksinat kineze Sinovac nga kompania turke “Keymen Ilaç Sanayi ve ticaret”. Vendimi është zbardhur në Fletoren Zyrtare duke hyrë menjëherë në fuqi.
Kujtojmë se ditën e djeshme nga Stambolli kanë mbërritur 192 mijë dozat e para të vaksinës kineze. Gjithashtu, Rama tha dje se kanë nisur bisedat për të sjellë në Shqipëri fabrikën e prodhimit të vaksinave, e cila veç vaksinave prodhon edhe produkte të tjera farmaceutike.
Sakaq, brenda qershorit pritet të mbërrijnë edhe 1.2 milionë doza të tjera të vaksinës kineze dhe me premtimin për mbërritjen e dërgesave të tjera nga “Pfizer”, “Sputnik” dhe “AstraZeneca”, Rama tha që deri në fund të majit do të përmbyllet procesi i vaksinimit për 500 mijë persona./ b.h
