Deputeti i Partisë Demokratike, Dashnor Sula, ka ngritur shqetësimin për mungesën e mbështetjes ndaj fermerëve nga ana e qeverisë, duke e konsideruar skemën e subvencioneve të padrejtë dhe pengesë për shumicën e prodhuesve të vegjël.
Sipas tij, në fshatin Vashaj, Bashkia Peqin, prodhimet kanë dalë në treg prej 15 ditësh, por fermerët nuk kanë ndjerë asnjë ndihmë nga shteti.
“Kushti që fermerët të kenë të paktën 1 hektarë sera për të përfituar subvencione është vendosur qëllimisht për të mos i ndihmuar ata. Në Shqipëri numërohen me gishtat e dorës ata që i përmbushin këto kritere,” shprehet Sula.
Ai denoncon gjithashtu se fermerët po penalizohen edhe në aspektin e kostove shtesë të energjisë. Sipas tij, shumë prej tyre, që kanë serat pranë banesave, kanë lidhur sistemin e vaditjes me energjinë e shtëpisë për të shmangur koston e pompave. “Në vend që t’i ndihmojnë, autoritetet u bëjnë presion dhe i detyrojnë të bëjnë kontrata të reja, duke i rënduar me shpenzime të shtuara,” thekson deputeti i PD.
Aktualisht, çmimi i kastravecit vendas është 140 lekë/kg, ndërsa ai i importuar shitet me 200 lekë/kg. Fermerët raportojnë se prodhimi vendas nuk është i mjaftueshëm për të mbuluar kërkesën, gjë që ndikon edhe në rritjen e çmimeve.
Sula e ka lidhur këtë situatë me mungesën e mbështetjes për bujqësinë dhe largimin e qytetarëve nga vendi, duke theksuar se PD me Sali Berishën synon të promovojë prodhimin vendas dhe të mbështesë produktet “Made in Albania”.
“Qeveria doli pak ditë më parë dhe propagandoi gjoja masat për subvencionimin e fermerëve.
Në fshatin Vashaj, Bashkia Peqin, prodhimet kanë 15 ditë që kanë dalë në treg ndërkohë që dorën e shtetit nuk e ndiejn fare.
Qeveria vendos si kusht për fermerët që të përfitojmë subvencione duhet të kenë të pakten 1 hektarë sera. Ky kusht është bërë i qëllimtë për te mos ndihmuar fermerët. Në Shqipëri me gishtat e dorës numërohen ata që i bëjnë këto sipërfaqe e të përfitojnë.
Jo vetëm që si mbështesin por edhe i penalizojnë. Shpesh herë bashkëfshatrët e mi serat i kanë ngjitur me shtëpinë. Për të mos shpenzuar pompen e vaditjes e lidhin me energjinë e shtëpisë. Këta që e kapin kriminelin me qerre, vijnë edhe u bëjnë presion fermereve të vegjël dhe i detyrojnë të bëjnë kontrata të reja ia shtojnë edhe më shumë kostot.
Kjo ndodh me këtë qeveri që i urren ata që punojnë. I detyron që të braktisin vendin e tyre.
Sot në treg, kastraveci që prodhohet në Shqipëri kushton 140 lek per kg, ndërsa ai i importit 200 lekë per kg. Por fermerët thonë se nuk ka mjaftueshëm prodhim vendi që të mbuloj nevojën.
Po të mos ishin larguar shqiptarët dhe po të kenë më shumë mbështetje atëherë edhe çmimet do të ishin më ekonomike për të gjithë.
Ndaj më 11 Maj, vota juaj duhet të shkoj për Partinë Demokratike. PD me Dr.Sali Berishën do mbështes prodhimin vendas dhe produktet “Made in Albania” do jenë moto jonë”, u shpreh ai në Facebook.
