Ministrja e Arsimit Evis Kushi menjëherë pas mbledhjes së Qeverisë ka bërë të ditur sot se një prej vendimeve të ndërmarra nga Këshilli i Ministrave në fushën e arsimit është edhe Programi Horizont Europa.
“Tashmë prej disa muajsh ne në Ministrinë e Arsimit kemi punuar intensivisht me BE për të negociuar marrëveshjen ndërkombëtare për pjesëmarrjen e Shqipërisë në Programin Horizont Europa, një program kuadër për kërkimin shkencor dhe inovacionin. E kemi miratuar edhe në qeveri dhe do e kalojmë në Kuvend.
Është një program që nxit përgjigjen ndaj sfidave globale nëpërmjet kërkimit shkencor dhe inovacionit. BE synon një treg unik duke nxitur shkëmbimin mes universiteteve,” u shpreh Kushi.
/a.r
