Gjatë ditës së sotme në disa media qarkulloi lajmi se kryebashkiaku i Kavajës Qazim Sejdini është marrë në mbrojtje nga policia pasi u kërcënua nga një prej bandave kriminale më të fuqishme të zonës.
Por pas shpërndarjes së lajmit, ka reaguar kreu i bashkisë Sejdini dhe Drejtori i Policisë së Elbasanit Alfred Cepe.
“Nuk ka asgjë të vërtetë në lajmet e përhapura për masa të shtuara të sigurisë ndaj kryetarit të bashkisë së Elbasanit”, thuhet ne njoftimin e Bashkise.
Reagimi i kreut te bashkise dhe drejtorit të Policisë Alfred Cepe
Nisur nga disa informacione që po qarkullojnë në mediat online, kryetari i Bashkisë së Elbasanit, z.Qazim Sejdini, për të qetësuar opionin publik, por edhe për shkak të transparencës njofton se: Nuk ka asgjë të vërtetë në lajmet e përhapura për masa të shtuara të sigurisë ndaj kryetarit të bashkisë së Elbasanit.
Kryetari i Bashkisë së Elbasanit, Qazim Sejdini, vazhdon aktivitetin e tij të përditshëm në përkujdesje për qytetin, punët e bashkisë dhe problemet e komunitetit. Informacionet e panevojshme, me qëllim deziformimin e opinionit publik, janë tendencioze dhe të pabazuara.
Zyra e shtypit e bashkisë së Elbasanit, dhe pranë kryetarit Qazim Sejdini, ka qenë e hapur si për gazetarët lokalë ashtu edhe ata të mediave kombëtare. Qyteti i Elbasanit, si një ndër qytetet kryesore në vend, është duke vijuar transformimin rrënjësor, nisur nga projektet e shumta dhe mbështetja e qeverisë.
Janë projekte madhore me impakt të madh social, ku është fokusuar jo vetëm kryetari i Bashkisë, por edhe komuniteti i qytetit të Elbasanit dhe rrethinave.
Ftojmë gazetarët, për cdo informacion, të drejtohen pranë organeve kompetente, për të shmangur dezinformimin. Dhe ketu e kemi fjalën jo vetëm për bashkinë e Elbasanit, por edhe për policinë e shtetit apo institucione të tjera të interesuara.
Informacioni i Drejtorit të Policise:
Policia e Elbasanit konfirmon se pas ngjarjeve te fundit kriminale ne qytet ka prani te shtuar te sigurise.
Por sipas drejtorit te policise, as ndaj kryetarit te bashkise dhe as ndaj ndonje qytetari tjeter nuk ka mbrojtje te shtuar.
/a.m.
