Presidenti rus, Vladimir Poutine nënshkroi sot një seri ligjesh anti-terroriste mjaft të kontestuara, duke forcuar kryesisht monitorimet e komunikimeve duke detyruar kompanitë e internetit për të grumbulluar të dhënat e përdoruesve gjatë muajve.
Masat e publikuara sot në web faqen e qeverisë të miratuara në fund të muajit qershor nga deputetët rusë penalizojnë mos raportimin e një krimi, duke ulur moshën e përgjegjësisë penale në 14 vjeç, duke përfshirë dënime që shkojnë deri në shtatë vite burg për “justifikimin publik të terrorizmit”, duke përfshirë edhe atë në internet.
Monitorimi i rrjeteve të komunikimit nga shërbimet speciale është përforcuar në formë të detyruar për ofruesit e aksesit në internet dhe rrjeteve sociale me ruajtjen e mesazheve, thirrjeve dhe të dhënave të përdoruesve për gjashtë muaj për t’ia transmetuar më pas agjencive përkatëse qeveritare nëse këto të fundit paraqesin një kërkese pranë këtyre subjekteve.
Këto ligje u dënuan nga opozita si përpjekje e një monitorimi gjithëpërfshirës nga ana e autoriteteve. Ish-konsulenti i shërbimeve sekrete amerikane, Edward Snowden refugjat në Rusi u shpreh se këto ligje të sillnin në memorie reality show “Big Brother” dhe mbikëqyrjen në masë./a.k
