Një episod mjaft i shëmtuar është regjistruar në qytetin e Milanos në Itali.
Pranë bashkisë së qytetit, janë shpërndarë disa fletëpalosje raciste kundër emigrantëve nga vende të ndryshme, ku përfshihen edhe shqiptarët.
“Kalendari i gjuetisë së hapur gjatë gjithë vitit për shtazën migratore!, për marokenë, shqiptarë, rumunë, kosovarë, talebanë, afganë, bullgarë. Duke marrë parasysh lëkurën e tyre, është i lejueshëm përdorimi i armëve të tipit pushkë apo i bombave të dorës dhe të qenve.”, shkruhet në fletëpalosjet e shpërndara.
Në sheshin e Foglia-s në Milano u shpërndanë mbi 100 copë fletpalosje me tekstin e mësipërm. Kryetari i Bashkisë së Rozzanos ka justifikuar gjithçka ka ndodhur duke e quajtur “si një gabim të pavullnetshëm”./a.m.
