Qeveria Shqiptare ka nisur krijimin e nuklave të inovacionit që do të jenë në çdo ministri.
Ky vendim është marrë nga Këshilli i Ministrave në mbledhjen e sotme të qeverisë.
Zv/Kryeministrja Belinda Balluku vlerësoi se krijimi i nuklave të inovacionit në çdo ministri vjen si rrjedhojë e shërbimeve dixhitale që ka njohur vendi ynë.
Balluku ftoi gjithashtu të gjithë profesionistët e fushës që të aplikojnë për këto vende të reja pune në shtet, që siç theksoi, do të kenë paga më të larta se sektorët e tjerë.
“Nga ky Shtator do krjohen nuklat e inovacionit, ka qenë kërkesë e Kryeministrit për shkak të zhvillimeve inovative, dike nisur nga dixhitalizmi i të gjitha shërbimeve që qytetarët e kane tashmë këtë dixhitalizim. Duhet përmendur se tashmë Shqipëria operon me teknologji moderne siç është rasti i satelitëve. Sot ne kemi rezultate të prekshme dhe po përdoren për arsye mjaft të mira.
Nuklat do t’i propozojnë ministrit, trupës, projekte të reja, inovatore. Për të pasur nukla efikase do na duhet të dalin në tregun shqiptar për të përthithur njerëz që kanë pasion inovacionin.
Kemi vendosur që ata të paguhen me paga më të larta se sa sektorët e tjerë. Në ditët në vazhdim pasi të konsolidohet e gjitha kjo ide e re, do kemi mundësi që brenda Vjeshtës këto nukla t’i kemi të disponueshme para secilës ministri.
Sot kemi diskutuar gjithashtu edhe për një vendqëndrim të përbashkët për një vendqëndrim të përbashkët të këtyre nuklave”, tha zv/Kryeministrja Balluku.
/a.r
