Kuvendi i Shqipërisë ka publikuar formularët e vetëdeklarimit të zyrtarëve të lartë, ku mes tyre të deklaruar janë Presidenti, Kryeprokurori, gjyqtarët, prokurorët, stafi politik i Kuvendit, anëtarë të KQZ dhe AMA-s etj.
Ajo që bie në sy te zyrtarët e lartë është se jo pak prej tyre kanë ndërrime emrash ose mbiemrash ndër vite. Presidenti Bujar Nishani pranon se ka përdorur mbiemrin Mehmeti vetëm në dokumentet e shkollës. Kurse kryeministri Rama e ka nderruar emrin e meparshem Edvin, me Edi.
Po ashtu, rektori Dhori Kule figuron të ketë pasur emrin Theodhori ndërsa anëtari i KQZ-së, Klement Zguri pranon se dikur quhej Klementin. Po ashtu, edhe anetarja e KQZ, Vera Shtjefni, pranon se dikur quhej Luçe Shtjefni.
Kryeprokurori Llalla dhe kreu i KLSH Bujar Leskaj figurojnë të mos kenë asnjë precedent penal apo të kenë qenë nën hetim. Ndërkohë, Daut Gumeni si anëtar i komisionit për zbardhjen e dosjeve të Sigurimit duket të jetë i vetmi me precedentë të mëparshëm. Më konkretisht, bëhet fjalë për dënimin politik që ai ka marrë gjatë periudhës së regjimit komunist. (javanews / r.a)
Funksionarë publik aktual të institucioneve të pavarura kushtetuese dhe atyre të krijuara me ligj
Kandidatët e Autoritetit për Informimin e dokumenteve të ish Sigurimit
